فیلێک کارداشیانی ڕاونا

كوردستان لایف- ئەستێرەی بەناوبانگی کۆمەڵگای ئەمەریکی ویستی وێنەیەکی "سێلفی" لەگەڵ فیلێکدا بگرێت،  بەڵام فیلەکە دوای کەوت و ڕاوینا. پاش ئەوەی ماڵی کارداشیان بۆ بەسەربردنی کاتێکی خۆش گەشتیان کرد بۆ تایلەند لەوێ کیم ویستی وێنەیەکی سێلفی لەگەل فیلێکدا بگرێت بەڵام لەوە دەچێت فیلەکە لە وێنەگرتنەکە ترسابێت یاخود بێزاربووبێت بۆیە دوای کیم کەوت و ڕاوینا. لە وێنەکەدا بە ئاشکرا دیارە کە چۆن کیم ڕادەکات و دەیەوێت خۆی لە فیلەکە دوربخاتەوە.

درێژه ى بابه ت

aso

08:39

Résuméabuiyad

حكومه‌تی‌ هه‌رێم: له‌گه‌ڵ به‌غدا له‌سه‌ر هه‌نارده‌ی‌ نه‌وت رێككه‌وتین-نوێکراوەتەوە-

كوردستان-

حكومه‌تی‌ هه‌رێمی‌ كوردستان رایده‌گه‌یه‌نێت، كه‌ رێكه‌وتن كراوه‌ له‌سه‌ر رێوشوێنی كرداریی بۆ دابینكردن و وه‌رگرتنی ئه‌و نه‌وته‌ی كه‌له‌ هه‌رێمی كوردستانه‌وه‌ ده‌درێت، به‌ڵام به‌هۆی چاككردنه‌وه‌ی به‌رده‌وامی هێڵی بۆری سه‌ره‌كی هه‌نارده‌ی كه‌ركوك – جیهانه‌وه‌، له‌ لایه‌ن كۆمپانیای نه‌وتی باكور و وه‌زاره‌تی نه‌وته‌وه‌ پێی وتراوه‌ كه‌ هێشتا ئاماده‌ نین بۆ وه‌رگرتنی هیچ بڕێكی نه‌وت له‌ هه‌رێمی كوردستانه‌وه‌.

حكومه‌تی‌ هه‌رێمی‌ كوردستان به‌یاننامه‌یه‌ك له‌باره‌ی‌ پێشنیازه‌كه‌ی‌ بۆ هه‌نارده‌كردنی‌ بڕی‌ 100 هه‌زار به‌رمیل نه‌وت له‌ رۆژێكدا ده‌رده‌كات.

به‌پێی به‌یاننامه‌كه‌، حكومه‌تی‌ هه‌رێم رایده‌گه‌یه‌نێـ، كه‌ له‌ گه‌ڵ به‌غدا گه‌یشتوونه‌ته‌ رێككه‌وتن بۆ هه‌نارده‌كردنی‌ ئه‌و بڕه‌ نه‌وته‌، به‌ڵام ه‌ لایه‌ن كۆمپانیای نه‌وتی باكوور و وه‌زاره‌تی نه‌وته‌وه‌ پێی ووتراوه‌ كه‌ هێشتا ئاماده‌ نین بۆ وه‌رگرتنی هیچ بڕێكی نه‌وت له‌ هه‌رێمی كوردستانه‌وه‌.

ده‌قی‌ به‌یاننامه‌كه‌:

به‌یاننامه‌ی حكومه‌تی هه‌رێمی كوردستان سه‌باره‌ت به‌ ده‌ستپێشخه‌ری هه‌نارده‌كردنی نه‌وت
 

له‌ به‌رواری 20 ی ئازاری 2014 دا، سه‌رۆك وه‌زیرانی حكومه‌تی هه‌رێمی كوردستان نێچیرڤان بارزانی ده‌ستپێشخه‌ریه‌كی نیازپاكیی حكومه‌تی هه‌رێمی كوردستانی راگه‌یاند بۆ به‌شداربوون له‌ هه‌نارده‌ی نه‌وتی عێراقدا له‌پێناو ئه‌وه‌ی ده‌رفه‌تێكی گه‌وره‌ی سه‌ركه‌وتن بدرێت به‌ دانوستاندنه‌ به‌رده‌وامه‌كان له‌گه‌ڵ به‌غدا.

سه‌رۆك وه‌زیران رایگه‌یاند به‌شداریی حكومه‌تی هه‌رێمی كوردستان له‌ هه‌نارده‌كردنی نه‌وت بڕی 100،000 به‌رمیل نه‌وت ده‌بێت له‌ رۆژێكدا له‌ به‌رواری 1 ی نیسانی 2014 ه‌وه‌.

له‌كاتی راگه‌یاندنه‌كه‌وه‌، حكومه‌تی هه‌رێمی كوردستان له‌ نزیكه‌وه‌ هاوكاره‌ له‌گه‌ڵ به‌رپرسانی باڵای وه‌زاره‌تی نه‌وتی فیدراڵ له‌ به‌غدا و كۆمپانیای نه‌وتی باكوور له‌ كه‌ركوك بۆ ده‌ستكردن به‌ پرۆسه‌ی هه‌نارده‌كردنه‌كه‌.

له‌ ده‌ره‌نجامدا، رێكه‌وتن كراوه‌ له‌سه‌ر رێوشوێنی كرداریی بۆ دابینكردن و وه‌رگرتنی ئه‌و نه‌وته‌ی كه‌له‌ هه‌رێمی كوردستانه‌وه‌ ده‌درێت.

به‌ڵام به‌هۆی چاككردنه‌وه‌ی به‌رده‌وامی هێڵی بۆری سه‌ره‌كی هه‌نارده‌ی كه‌ركوك – جیهانه‌وه‌، حكومه‌تی هه‌رێمی كوردستان له‌ لایه‌ن كۆمپانیای نه‌وتی باكوور و وه‌زاره‌تی نه‌وته‌وه‌ پێی ووتراوه‌ كه‌ هێشتا ئاماده‌ نین بۆ وه‌رگرتنی هیچ بڕێكی نه‌وت له‌ هه‌رێمی كوردستانه‌وه‌.

رێكه‌وتنیش كراوه‌ هه‌ر كاتێك چاكردنه‌وه‌ی هێڵی بۆریه‌كه‌ ته‌واو بوو، حكومه‌تی هه‌رێمی كوردستان ده‌ستده‌كات به‌ هه‌نارده‌كردن له‌ هه‌رێمه‌وه‌ له‌ پێناو ته‌واو به‌رزراگرتنی پاپه‌ندبوونی سه‌رۆك وه‌زیرانی حكومه‌تی هه‌رێمی كوردستان.

درێژه ى بابه ت

aso

08:38

Résuméabuiyad

The Voice بۆ عیراق

ستار سه‌عد، به‌هره‌مه‌ندی عیراقی نازناوی وه‌رزی دووه‌می به‌رنامه‌ی The Voiceی برده‌وه‌و به‌سه‌ر هه‌ریه‌ك له‌ سیمۆر جه‌لال، هاونیشتمانیی خۆی و هاله‌ قه‌سیر-ی سوری و وه‌هم-ی میسریدا سه‌ركه‌وت.

له‌ دوا ئه‌ڵقه‌ی به‌رنامه‌كه‌دا، كه‌ دوێنێ شه‌و له‌ شاشه‌ی كه‌ناڵی mbc په‌خشكرا، ستار سه‌عد به‌ زۆرینه‌ی ده‌نگی هاوڵاتیانی وڵاتانی عه‌ره‌ب، نازناوی وه‌رزی ئه‌مجاره‌ی به‌رنامه‌ی The Voiceی به‌ده‌سهێنا و دوای راگه‌یاندنی ئه‌نجامه‌كانیش ئاڵای عیراقی به‌رزكرده‌وه‌.

ستار سه‌عد، له‌ گروپی كازم ساهیر-ی گه‌وره‌ گۆرانیبێژی عیراقی بوو، له‌ سه‌رجه‌م قۆناغه‌كانی ئه‌و به‌رنامه‌یه‌دا، توانی ئاستێكی به‌رز پێشكه‌ش بكات و چه‌ندین جار به‌ ده‌نگی جه‌ماوه‌ره‌كه‌ی به‌سه‌ر كێبڕكێكارانیدا سه‌ركه‌وێت.

به‌م ئه‌نجامه‌ش، قه‌یسه‌ری گۆرانیی عه‌ره‌بی، كازم ساهیر، نازناوه‌كه‌ی له‌ چنگی عاسی حلانی، گۆرانبێژی لوبنانی ده‌رهێنا كه‌ له‌ وه‌رزی پێشوودا نازناوه‌كه‌ی بۆخۆی بردبوو.

درێژه ى بابه ت

aso

08:37

Résuméabuiyad

به‌ وێنه‌: چه‌ند ڕاهێنانێك بۆ ئه‌وانه‌ی زۆر كۆمپیوته‌ر به‌كارده‌هێنن

01:30:14/01/2014

كوردستان-

 

زۆر جار ئه‌وانه‌ی زۆر كۆمپیوته‌ر به‌كاردێنن گله‌یی ئه‌وه‌ ده‌كه‌ن كه‌ په‌نجه‌كانیان سڕ ده‌بێت یاخود ماندوو ده‌بن ، ئه‌مه‌ هه‌مووی له‌ئه‌نجامی بێهێزی ماسولكه‌كانی ده‌ست و باسك و بێهێزی جومگه‌كانه‌ ..

لێره‌دا چه‌ند ڕاهێنانێك به‌وێنه‌ ده‌خه‌ینه‌ ڕوو كه‌ ده‌بێته‌ هۆی به‌هێز كردنی ماسولكه‌كانی ده‌ست و باسك و به‌هێز كردنی جومگه‌كان .

راهێنانه‌كان به‌م شێوه‌یه‌يە:

ڕاهێنانی یه‌كه‌م بۆ به‌هێزكردنی ماسولكه‌كانی په‌نجه‌كان و به‌هێزكردنی جومگه‌كانه‌.

ڕاهێینانی دووه‌م و سێ یه‌م ڕاكێشانی مه‌چه‌ك بۆ خواره‌وه‌ و بۆ سه‌ره‌وه‌ ئه‌م راهێنانه‌ش نه‌رمی جومگه‌ی مه‌چه‌ك زیاد ده‌كات كه‌ ده‌بێته‌ هۆی به‌هێز كردن مه‌چه‌ك.

به‌هه‌مان شێوه‌ ڕاهێنانی چواره‌م و پێنجه‌م و شه‌شه‌م بۆ به‌چێزكردنی جومگه‌ی مه‌چه‌كه‌.

راهێنانی حه‌وته‌م بۆ به‌هێزكردنی ماسولكه‌كانی په‌نجه‌ و به‌هێزكردنی جومگه‌كانی یه‌نجه‌یه‌.

راهێنانی هه‌شته‌م و نۆیه‌م بۆ بۆهێزكردنی ماسولكه‌كانی باسک كه‌.

 

- See more at: http://websiitexom6.blogspot.com/2014/04/blog-post_2646.html#sthash.kSc5jALy.dpuf

درێژه ى بابه ت

aso

08:36

Résuméabuiyad